baDhti rahi har sal jo tadad hamari

baḌhtī rahī har saal jo ta.adād hamārī

kyā yaad karegī hameñ aulād hamārī

disco ke muġhannī kī jhalak dekh ke majnūñ

chīḳhā ki madad kījiye ustād hamārī

mashriq se ta.alluq hai na maġhrib se connection

fashion ne hilā Daalī hai buniyād hamārī

shīrīñ ko banā rakkhā hai daftar kā steno

taqlīd karegā koī farhād hamārī

ham ne to unheñ jāmia se naqd ḳharīdā

phir kis tarah ja.alī huiiñ asnād hamārī

jis roz se member vo kametī kā huā hai

suntā nahīñ rūdād karam-dād hamārī

jis vaqt bhī vo ālamī net on karegā

email dilā degī use yaad hamārī

baDhti rahi har sal jo tadad hamari

kya yaad karegi hamein aulad hamari

disco ke mughanni ki jhalak dekh ke majnun

chiKHa ki madad kijiye ustad hamari

mashriq se talluq hai na maghrib se connection

fashion ne hila Dali hai buniyaad hamari

shirin ko bana rakkha hai daftar ka steno

taqlid karega koi farhad hamari

hum ne to unhen jamia se naqd KHarida

phir kis tarah jali huin asnad hamari

jis roz se member wo kameti ka hua hai

sunta nahin rudad karam-dad hamari

jis waqt bhi wo aalami net on karega

email dila degi use yaad hamari