baDi bad-namiyan hongi sar-e-bazar milne se

baḌī bad-nāmiyāñ hoñgī sar-e-bāzār milne se

diloñ ke bhed khulte haiñ nazar ke taar milne se

hai dīvāna to dīvāna darak kyā us ko jazboñ kā

milegā kyā tumheñ us se dīvāna-vār milne se

koī maqsad koī matlab rahe to baat bhī kuchh ho

natīja varna kyā hogā yuuñ hī be-kār milne se

mulāqāteñ na.ī kuchh rang bhartī haiñ baḌe dilkash

kahānī aage baḌhtī hai na.e kirdār milne se

tasavvur meñ akele mil ke dekhoge to jānoge

na milnā kitnā behtar thā sar-e-bāzār milne se

kabhī had se ziyāda baḌh bhī jaate haiñ sitamgar ye

masā.il hal bhī ho jaate haiñ aksar yaar milne se

hamīñ ham ek haiñ duujā nahīñ koī to batlāo

hameñ rokegī kyā duniyā dīvāna-vār milne se

baDi bad-namiyan hongi sar-e-bazar milne se

dilon ke bhed khulte hain nazar ke tar milne se

hai diwana to diwana darak kya us ko jazbon ka

milega kya tumhein us se diwana-war milne se

koi maqsad koi matlab rahe to baat bhi kuchh ho

natija warna kya hoga yun hi be-kar milne se

mulaqaten nai kuchh rang bharti hain baDe dilkash

kahani aage baDhti hai nae kirdar milne se

tasawwur mein akele mil ke dekhoge to jaanoge

na milna kitna behtar tha sar-e-bazar milne se

kabhi had se ziyaada baDh bhi jate hain sitamgar ye

masail hal bhi ho jate hain aksar yar milne se

hamin hum ek hain duja nahin koi to batlao

hamein rokegi kya duniya diwana-war milne se