bah raha tha ek dariya KHwab mein

bah rahā thā ek dariyā ḳhvāb meñ

rah gayā maiñ phir bhī tishna ḳhvāb meñ

jī rahā huuñ aur duniyā meñ magar

dekhtā huuñ aur duniyā ḳhvāb meñ

is zamīñ par tū nazar aatā nahīñ

bas gayā hai jo sarāpā ḳhvāb meñ

roz aatā hai mirā ġham bāñTne

āsmāñ se ik sitāra ḳhvāb meñ

muddatoñ se dil hai us kā muntazir

koī va.ada kar gayā thā ḳhvāb meñ

kyā yaqīñ aa jā.egā us shaḳhs ko

us kī bābat jo bhī dekhā ḳhvāb meñ

ek bastī hai jahāñ ḳhush haiñ sabhī

dekh letā huuñ maiñ kyā kyā ḳhvāb meñ

asl duniyā meñ tamāshe kam haiñ kyā

kyuuñ nazar aa.e tamāsha ḳhvāb meñ

khol kar āñkheñ pashemāñ huuñ bahut

kho gayā jo kuchh milā thā ḳhvāb meñ

kyā huā hai mujh ko 'ālam' in dinoñ

maiñ ġhazal kahtā nahīñ thā ḳhvāb meñ

bah raha tha ek dariya KHwab mein

rah gaya main phir bhi tishna KHwab mein

ji raha hun aur duniya mein magar

dekhta hun aur duniya KHwab mein

is zamin par tu nazar aata nahin

bas gaya hai jo sarapa KHwab mein

roz aata hai mera gham banTne

aasman se ek sitara KHwab mein

muddaton se dil hai us ka muntazir

koi wada kar gaya tha KHwab mein

kya yaqin aa jaega us shaKHs ko

us ki babat jo bhi dekha KHwab mein

ek basti hai jahan KHush hain sabhi

dekh leta hun main kya kya KHwab mein

asl duniya mein tamashe kam hain kya

kyun nazar aae tamasha KHwab mein

khol kar aankhen pasheman hun bahut

kho gaya jo kuchh mila tha KHwab mein

kya hua hai mujh ko 'alam' in dinon

main ghazal kahta nahin tha KHwab mein