bahaar aai ba-tang aaya dil-e-wahshat-panah apna

bahār aa.ī ba-tañg aayā dil-e-vahshat-panāh apnā

karūñ kyā hai yahī chāk-e-garebāñ dastgāh apnā

Tapaktī jo tarah sumbul se hove pai-ba-pai shabnam

hamāre haal par rone lagā ab dūd-e-āh apnā

mirā dil lete hī kar chashm-poshī mujh se muñh pherā

nazar aatā nahīñ kuchh mujh ko dilbar se nibāh apnā

sitam se dī tasallī us kamāñ-abrū ke qurbāñ huuñ

rag-e-jāñ kar diyā dil ko mire tīr-e-nigāh apnā

tū harjā.ī na ho ghaT jā.egā juuñ zar ayāroñ meñ

ye 'uzlat' banda apnā fidvī apnā ḳhair-ḳhvāh apnā

bahaar aai ba-tang aaya dil-e-wahshat-panah apna

karun kya hai yahi chaak-e-gareban dastgah apna

Tapakti jo tarah sumbul se howe pai-ba-pai shabnam

hamare haal par rone laga ab dud-e-ah apna

mera dil lete hi kar chashm-poshi mujh se munh phera

nazar aata nahin kuchh mujh ko dilbar se nibah apna

sitam se di tasalli us kaman-abru ke qurban hun

rag-e-jaan kar diya dil ko mere tir-e-nigah apna

tu harjai na ho ghaT jaega jun zar ayaron mein

ye 'uzlat' banda apna fidwi apna KHair-KHwah apna