bahaar aai hai sote ko Tuk jaga dena

bahār aa.ī hai sote ko Tuk jagā denā

junūñ zarā mirī zanjīr ko hilā denā

tire laboñ se agar ho sake masīhā.ī

to ek baat meñ jiitā huuñ maiñ jilā denā

ab aage dekhiyo jītūñ na jītūñ yā qismat

mirī bisāt meñ dil hai ise lagā denā

rahūñ na garmī-e-majlis se maiñ tirī mahrūm

sipand-vār mujhe bhī zarā tū jā denā

ḳhudā kare tirī zulf-e-siyah kī umr darāz

kabhī balā mujhe lenā kabhī duā denā

ba-rañg-e-ġhuncha zar-e-gul ke ta.iiñ girah mat bāñdh

'fuġhāñ' jo haath meñ aave use uḌā denā

bahaar aai hai sote ko Tuk jaga dena

junun zara meri zanjir ko hila dena

tere labon se agar ho sake masihai

to ek baat mein jita hun main jila dena

ab aage dekhiyo jitun na jitun ya qismat

meri bisat mein dil hai ise laga dena

rahun na garmi-e-majlis se main teri mahrum

sipand-war mujhe bhi zara tu ja dena

KHuda kare teri zulf-e-siyah ki umr daraaz

kabhi bala mujhe lena kabhi dua dena

ba-rang-e-ghuncha zar-e-gul ke tain girah mat bandh

'fughan' jo hath mein aawe use uDa dena