bahaar aane ki ummid ke KHumar mein tha
bahār aane kī ummīd ke ḳhumār meñ thā
ḳhizāñ ke daur meñ bhī mausam-e-bahār meñ thā
jise sunāne gayā thā maiñ zindagī kī navīd
vo shaḳhs āḳhirī hichkī ke intizār meñ thā
sipāh-e-aql-o-ḳhirad mujh pe hamla-āvar thī
magar maiñ ishq ke mazbūt-tar hisār meñ thā
mirā nasīb chamaktā bhī kis tarah āḳhir
mirā sitārā kisī dūsre madār meñ thā
uThā ke haath duā māñgnā hī baaqī hai
vagarna kar chukā sab kuchh jo iḳhtiyār meñ thā
use to is liye chhoḌā thā vo nihattā hai
ḳhabar na thī ki vo mauqe ke intizār meñ thā
vo kah rahā thā mujhe naaz apne ijz pe hai
ajab tarah kā ġhurūr us ke inkisār meñ thā
bahaar aane ki ummid ke KHumar mein tha
KHizan ke daur mein bhi mausam-e-bahaar mein tha
jise sunane gaya tha main zindagi ki nawid
wo shaKHs aaKHiri hichki ke intizar mein tha
sipah-e-aql-o-KHirad mujh pe hamla-awar thi
magar main ishq ke mazbut-tar hisar mein tha
mera nasib chamakta bhi kis tarah aaKHir
mera sitara kisi dusre madar mein tha
uTha ke hath dua mangna hi baqi hai
wagarna kar chuka sab kuchh jo iKHtiyar mein tha
use to is liye chhoDa tha wo nihatta hai
KHabar na thi ki wo mauqe ke intizar mein tha
wo kah raha tha mujhe naz apne ijz pe hai
ajab tarah ka ghurur us ke inkisar mein tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
