bahaaron ko chaman yaad aa gaya hai
bahāroñ ko chaman yaad aa gayā hai
mujhe vo gul-badan yaad aa gayā hai
lachaktī shāḳh ne jab sar uThāyā
kisī kā bāñkpan yaad aa gayā hai
mirī ḳhāmoshiyoñ par hañsne vaalo
mujhe vo kam-suḳhan yaad aa gayā hai
tumheñ mil kar to ai yazdāñ-parasto
ġhurūr-e-ahraman yaad aa gayā hai
tirī sūrat ko jab dekhā hai maiñ ne
urūj-e-fikr-o-fan yaad aa gayā hai
kisī kā ḳhūb-sūrat sher sun kar
tirā lutf-e-suḳhan yaad aa gayā hai
mile vo ajnabī ban kar to 'rif.at'
zamāne kā chalan yaad aa gayā hai
bahaaron ko chaman yaad aa gaya hai
mujhe wo gul-badan yaad aa gaya hai
lachakti shaKH ne jab sar uThaya
kisi ka bankpan yaad aa gaya hai
meri KHamoshiyon par hansne walo
mujhe wo kam-suKHan yaad aa gaya hai
tumhein mil kar to ai yazdan-parasto
ghurur-e-ahraman yaad aa gaya hai
teri surat ko jab dekha hai main ne
uruj-e-fikr-o-fan yaad aa gaya hai
kisi ka KHub-surat sher sun kar
tera lutf-e-suKHan yaad aa gaya hai
mile wo ajnabi ban kar to 'rifat'
zamane ka chalan yaad aa gaya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
