bahsen chhiDi hui hain hayat-o-mamat ki

bahseñ chhiḌī huī haiñ hayāt-o-mamāt kī

sau baat ban ga.ī hai 'firāq' ek baat kī

sāz-navā-e-dard hijābāt-e-dahr meñ

kitnī dukhī huī haiñ rageñ kā.enāt kī

rakh lī jinhoñ ne kashmakash-e-zindagī kī laaj

be-dardiyāñ na pūchhiye un se hayāt kī

yuuñ fart-e-be-ḳhudī se mohabbat meñ jaan de

tujh ko bhī kuchh ḳhabar na ho is vārdāt kī

hai ishq us tabassum-e-jāñ-baḳhsh kā shahīd

rañgīniyāñ liye hai jo sub.h-e-hayāt kī

chheḌā hai dard-e-ishq ne tār-e-rag-e-adam

sūrat pakaḌ chalī haiñ navā.eñ hayāt kī

shām-e-abad ko jalva-e-sub.h-e-bahār de

rūdād chheḌ zindagī-e-be-sabāt kī

us bazm-e-be-ḳhudī meñ vajūd-e-adam kahāñ

chaltī nahīñ hai saañs hayāt-o-mamāt kī

sau dard ik tabassum-e-pinhāñ meñ band haiñ

tasvīr huuñ 'firāq' nashāt-e-hayāt kī

bahsen chhiDi hui hain hayat-o-mamat ki

sau baat ban gai hai 'firaq' ek baat ki

saz-nawa-e-dard hijabaat-e-dahr mein

kitni dukhi hui hain ragen kaenat ki

rakh li jinhon ne kashmakash-e-zindagi ki laj

be-dardiyan na puchhiye un se hayat ki

yun fart-e-be-KHudi se mohabbat mein jaan de

tujh ko bhi kuchh KHabar na ho is wardat ki

hai ishq us tabassum-e-jaan-baKHsh ka shahid

ranginiyan liye hai jo subh-e-hayat ki

chheDa hai dard-e-ishq ne tar-e-rag-e-adam

surat pakaD chali hain nawaen hayat ki

sham-e-abad ko jalwa-e-subh-e-bahaar de

rudad chheD zindagi-e-be-sabaat ki

us bazm-e-be-KHudi mein wajud-e-adam kahan

chalti nahin hai sans hayat-o-mamat ki

sau dard ek tabassum-e-pinhan mein band hain

taswir hun 'firaq' nashat-e-hayat ki