bahut be-zar hoti ja rahi hun

bahut be-zār hotī jā rahī huuñ

maiñ ḳhud par baar hotī jā rahī huuñ

tumheñ iqrār ke raste pe lā kar

maiñ ḳhud inkār hotī jā rahī huuñ

kahīñ maiñ huuñ sarāpā rahguzar aur

kaheñ dīvār hotī jā rahī huuñ

bahut muddat se apnī khoj meñ thī

so ab iz.hār hotī jā rahī huuñ

bhañvar dil kī tahoñ meñ ban rahe haiñ

maiñ be-patvār hotī jā rahī huuñ

tumhārī guftugū ke darmiyāñ ab

yūñhī takrār hotī jā rahī huuñ

ye koī ḳhvāb karvaT le rahā hai

ki maiñ be-dār hotī jā rahī huuñ

kisī lahje kī narmī khul rahī hai

bahut sarshār hotī jā rahī huuñ

mirā tesha zamīñ meñ gaḌ gayā hai

junūñ kī haar hotī jā rahī huuñ

bahut be-zar hoti ja rahi hun

main KHud par bar hoti ja rahi hun

tumhein iqrar ke raste pe la kar

main KHud inkar hoti ja rahi hun

kahin main hun sarapa rahguzar aur

kahen diwar hoti ja rahi hun

bahut muddat se apni khoj mein thi

so ab izhaar hoti ja rahi hun

bhanwar dil ki tahon mein ban rahe hain

main be-patwar hoti ja rahi hun

tumhaari guftugu ke darmiyan ab

yunhi takrar hoti ja rahi hun

ye koi KHwab karwaT le raha hai

ki main be-dar hoti ja rahi hun

kisi lahje ki narmi khul rahi hai

bahut sarshaar hoti ja rahi hun

mera tesha zamin mein gaD gaya hai

junun ki haar hoti ja rahi hun