bahut dhoka kiya KHud ko magar kya kar liya maine

bahut dhokā kiyā ḳhud ko magar kyā kar liyā maiñ ne

tamāshā mujh ko karnā thā tamāshā kar liyā maiñ ne

yahāñ bhī ab na.ī ābādiyoñ kā shor suntā huuñ

yahāñ se bhī nikalne kā irāda kar liyā maiñ ne

safar meñ dhuup kī shiddat kahāñ tak jheltā āḳhir

tirī yādoñ ko oḌhā aur saaya kar liyā maiñ ne

koī achchhā nahīñ sab log ik jaise haiñ bastī meñ

natīja ye huā ḳhud ko akelā kar liyā maiñ ne

koī mausam ho kaisī hī fazā ho ġham nahīñ hotā

zamāne vaalā har ik rañg paidā kar liyā maiñ ne

ye duniyā apne Dhab kī thī na duniyā vaale achchhe the

magar kyā kījiye phir bhī guzāra kar liyā maiñ ne

bahut dhoka kiya KHud ko magar kya kar liya main ne

tamasha mujh ko karna tha tamasha kar liya main ne

yahan bhi ab nai aabaadiyon ka shor sunta hun

yahan se bhi nikalne ka irada kar liya main ne

safar mein dhup ki shiddat kahan tak jhelta aaKHir

teri yaadon ko oDha aur saya kar liya main ne

koi achchha nahin sab log ek jaise hain basti mein

natija ye hua KHud ko akela kar liya main ne

koi mausam ho kaisi hi faza ho gham nahin hota

zamane wala har ek rang paida kar liya main ne

ye duniya apne Dhab ki thi na duniya wale achchhe the

magar kya kijiye phir bhi guzara kar liya main ne