bahut din se koi manzar banana chahte hain hum

Wali Aasi

bahut din se koi manzar banana chahte hain hum

Wali Aasi

MORE BY Wali Aasi

    bahut din se koī manzar banānā chāhte haiñ ham

    ki jo kuchh kah nahīñ sakte dikhānā chāhte haiñ ham

    hamāre shahr meñ ab har taraf vahshat barastī hai

    so ab jañgal meñ apnā ghar banānā chāhte haiñ ham

    hameñ anjām bhī ma.alūm hai lekin na jaane kyuuñ

    charāġhoñ ko havāoñ se bachānā chāhte haiñ ham

    na jaane kyuuñ gale meñ chīḳh ban jaatī haiñ āvāzeñ

    kabhī tanhā.ī meñ jab gungunānā chāhte haiñ ham

    koī āsāñ nahīñ sachchā.ī se āñkheñ milā lenā

    magar sachchā.ī se āñkheñ milānā chāhte haiñ ham

    kabhī bhūle se bhī ab yaad bhī aatī nahīñ jin

    vahī qisse zamāne ko sunānā chāhte haiñ ham

    bahut din se koi manzar banana chahte hain hum

    ki jo kuchh kah nahin sakte dikhana chahte hain hum

    hamare shahr mein ab har taraf wahshat barasti hai

    so ab jangal mein apna ghar banana chahte hain hum

    hamein anjam bhi malum hai lekin na jaane kyun

    charaghon ko hawaon se bachana chahte hain hum

    na jaane kyun gale mein chiKH ban jati hain aawazen

    kabhi tanhai mein jab gungunana chahte hain hum

    koi aasan nahin sachchai se aankhen mila lena

    magar sachchai se aankhen milana chahte hain hum

    kabhi bhule se bhi ab yaad bhi aati nahin jin ki

    wahi qisse zamane ko sunana chahte hain hum

    RECITATIONS

    Nomaan Shauque

    Nomaan Shauque

    Nomaan Shauque

    bahut din se koi manzar banana chahte hain hum Nomaan Shauque

    Source:

    • Book : Mom (Pg. 72)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY