bahut din tak koi chehra mujhe achchha nahin lagta
bahut din tak koi chehra mujhe achchha nahin lagta
Hashim Raza Jalalpuri
MORE BYHashim Raza Jalalpuri
bahut din tak koī chehra mujhe achchhā nahīñ lagtā
matā-e-dīd pe qabza mujhe achchhā nahīñ lagtā
kanīzoñ pe bhī aa saktā hai dil zill-e-ilāhī kā
nizām-e-ishq meñ shajara mujhe achchhā nahīñ lagtā
maiñ kuchh bhī soch saktā huuñ maiñ kuchh bhī dekh saktā huuñ
ḳhayāl-o-ḳhvāb pe pahra mujhe achchhā nahīñ lagtā
na khiḌkī hai na āñgan hai na roshan-dān hai koī
imārat-sāz ye naqsha mujhe achchhā nahīñ lagtā
jo hotī haath meñ mere to duniyā baañT detā maiñ
kisī ke haath meñ kaasa mujhe achchhā nahīñ lagtā
bahut din tak koi chehra mujhe achchha nahin lagta
mata-e-did pe qabza mujhe achchha nahin lagta
kanizon pe bhi aa sakta hai dil zill-e-ilahi ka
nizam-e-ishq mein shajara mujhe achchha nahin lagta
main kuchh bhi soch sakta hun main kuchh bhi dekh sakta hun
KHayal-o-KHwab pe pahra mujhe achchha nahin lagta
na khiDki hai na aangan hai na roshan-dan hai koi
imarat-saz ye naqsha mujhe achchha nahin lagta
jo hoti hath mein mere to duniya banT deta main
kisi ke hath mein kasa mujhe achchha nahin lagta
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
