bahut ho chuka khel ab KHatm ho

bahut ho chukā khel ab ḳhatm ho

hue sab se bezār sab ḳhatm ho

tirī raah meñ phir se bichh jā.eñge

ye kār-e-jahāñ ye ġhazab ḳhatm ho

tumheñ bhī dikhā.eñge vo chiiz ham

talāsh-e-dil-e-ḳhush-talab ḳhatm ho

shifā to muqaddar hai bīmār kā

agar muqtazā-e-matab ḳhatm ho

abhī sar jhukāne meñ lazzat nahīñ

adākārī-e-roz-o-shab ḳhatm ho

'ibādī' unhoñ ne kahā aaj phir

kisī tarah ye be-adab ḳhatm ho

bahut ho chuka khel ab KHatm ho

hue sab se bezar sab KHatm ho

teri rah mein phir se bichh jaenge

ye kar-e-jahan ye ghazab KHatm ho

tumhein bhi dikhaenge wo chiz hum

talash-e-dil-e-KHush-talab KHatm ho

shifa to muqaddar hai bimar ka

agar muqtaza-e-matab KHatm ho

abhi sar jhukane mein lazzat nahin

adakari-e-roz-o-shab KHatm ho

'ibaadi' unhon ne kaha aaj phir

kisi tarah ye be-adab KHatm ho