bahut hua to meri mohabbat teri gali tak safar karegi

bahut huā to mirī mohabbat tirī galī tak safar karegī

gulāb jaisī hikāyatoñ ko idhar udhar mo'atabar karegī

ye terī āñkhoñ kī sub.h-e-ḳhandāñ ye terī zulfoñ kī shām-e-imkāñ

ba-juz qayāmat ye kuchh nahīñ hai tabāh ye sar-basar karegī

ufaq ufaq intiḳhāb-e-jānāñ taraf taraf rañg-o-bū-e-ḳhūbāñ

ik aise aalam meñ shab hamārī charāġh le kar sahar karegī

hamīñ haiñ vāmānda-e-dil-o-jāñ hamīñ haiñ taqrīb-e-dil kā sāmāñ

hamāre raste meñ dasht-o-sahrā kī be-navā.ī bhī ghar karegī

idhar nasheb-e-adam se nikle udhar farāz-e-adam meñ Duube

hameñ ye duniyā firāq de kar kise bahisht-e-nazar karegī

ye shahr-e-gul-e-barg kī havā bhī hamāre haq meñ sumūm Thahrī

ġhazal hameñ itnā yaad rakhnā ye jitnā sarf-e-nazar karegī

bahut hua to meri mohabbat teri gali tak safar karegi

gulab jaisi hikayaton ko idhar udhar mo'atabar karegi

ye teri aankhon ki subh-e-KHandan ye teri zulfon ki sham-e-imkan

ba-juz qayamat ye kuchh nahin hai tabah ye sar-basar karegi

ufaq ufaq intiKHab-e-jaanan taraf taraf rang-o-bu-e-KHuban

ek aise aalam mein shab hamari charagh le kar sahar karegi

hamin hain wamanda-e-dil-o-jaan hamin hain taqrib-e-dil ka saman

hamare raste mein dasht-o-sahra ki be-nawai bhi ghar karegi

idhar nasheb-e-adam se nikle udhar faraaz-e-adam mein Dube

hamein ye duniya firaq de kar kise bahisht-e-nazar karegi

ye shahr-e-gul-e-barg ki hawa bhi hamare haq mein sumum Thahri

ghazal hamein itna yaad rakhna ye jitna sarf-e-nazar karegi