bahut mushkil hai dariya par jaana

bahut mushkil hai dariyā paar jaanā

magar hai kufr himmat haar jaanā

bahut mumkin hai qismat muntazir ho

to phir ḳhvāboñ meñ bhī bedār jaanā

na jaanā halqa-e-zulmat meñ chāhe

paḌe maqtal pas-e-dīvār jaanā

ye kah kar vo chalā sū-e-shahādat

ḳhudā ke paas kyā bīmār jaanā

amīr-e-shahr kā husn-e-tadabbur

raqīboñ ko bhī apnā yaar jaanā

muqaddar thā jo bach aa.e salāmat

dil-e-inkār ko iqrār jaanā

tamannā jiit kī ho zindagī meñ

to har mahfil meñ le kar haar jaanā

agar munsif banā vo ḳhud na hogā

ye raaz us ne sar-e-darbār jaanā

ye paiham muflisī jin kā karam hai

unhīñ ko ham ne pālanhār jaanā

lab-o-ruḳhsār par taale paḌe haiñ

to kyā 'ḳhālid' pa.e dīdār jaanā

bahut mushkil hai dariya par jaana

magar hai kufr himmat haar jaana

bahut mumkin hai qismat muntazir ho

to phir KHwabon mein bhi bedar jaana

na jaana halqa-e-zulmat mein chahe

paDe maqtal pas-e-diwar jaana

ye kah kar wo chala su-e-shahadat

KHuda ke pas kya bimar jaana

amir-e-shahr ka husn-e-tadabbur

raqibon ko bhi apna yar jaana

muqaddar tha jo bach aae salamat

dil-e-inkar ko iqrar jaana

tamanna jit ki ho zindagi mein

to har mahfil mein le kar haar jaana

agar munsif bana wo KHud na hoga

ye raaz us ne sar-e-darbar jaana

ye paiham muflisi jin ka karam hai

unhin ko hum ne palanhaar jaana

lab-o-ruKHsar par tale paDe hain

to kya 'KHalid' pae didar jaana