bahut mushkil sahi lekin ba-sad mushkil bhi dekhenge

bahut mushkil sahī lekin ba-sad mushkil bhī dekheñge

ki anvār-e-haqīqat tālibān-e-dil bhī dekheñge

ḳhudā taufīq de ham ko to dil ko dil bhī dekheñge

inhīñ āñkhoñ se ham āsān har mushkil bhī dekheñge

na kāmil zauq-e-nazāra na shauq-e-jāda-paimā.ī

agar kāmil talab hai to mazāq-e-dil bhī dekheñge

vo kashtī aaj jo Takrā rahī hai mauj-e-tūfāñ se

usī kashtī ko ham ik din sar-e-sāhil bhī dekheñge

dar-e-haidar pe 'qaisar' sar jhukā kisrā kā qaisar kā

gadā-e-kū-e-haidar husn-e-mustaqbil bhī dekheñge

bahut mushkil sahi lekin ba-sad mushkil bhi dekhenge

ki anwar-e-haqiqat taliban-e-dil bhi dekhenge

KHuda taufiq de hum ko to dil ko dil bhi dekhenge

inhin aankhon se hum aasan har mushkil bhi dekhenge

na kaamil zauq-e-nazara na shauq-e-jada-paimai

agar kaamil talab hai to mazaq-e-dil bhi dekhenge

wo kashti aaj jo Takra rahi hai mauj-e-tufan se

usi kashti ko hum ek din sar-e-sahil bhi dekhenge

dar-e-haidar pe 'qaisar' sar jhuka kisra ka qaisar ka

gada-e-ku-e-haidar husn-e-mustaqbil bhi dekhenge