baiTha tha tan ko Dhank ke jo garm shaal se
baiThā thā tan ko Dhāñk ke jo garm shaal se
mushkil meñ paḌ gayā vo sitāroñ kī chaal se
ḳhāmoshiyoñ kī raah pe ho kar ke gāmzan
rakhnā kabhī na soch kā rishta malāl se
ummīd aisī un se matānat kī thī nahīñ
bachche bigaḌ ga.e haiñ bahut dekh bhaal se
dam-ḳham to kuchh nahīñ thā haqīqat ke naam par
ghabrā gayā jahān hamārī majāl se
kuchh maslahat ke naam pe chup chaap ham rahe
vāqif the varna vaqt ke poshīda haal se
chādar pe āsmān kī bikhrī thī chāñdnī
ārāsta zamīn thī is ke jamāl se
tum shahr jā rahe ho to jaao magar vahāñ
armāñ mileñge dekhnā behad niDhāl se
afsurda fikr thī jo qadāmat ke ḳhol meñ
shādāb ho ga.ī hai vo raushan ḳhayāl se
ik patte kī bisāt tumhārī hai 'sāhnī'
miTTī meñ jā miloge judā ho ke Daal se
baiTha tha tan ko Dhank ke jo garm shaal se
mushkil mein paD gaya wo sitaron ki chaal se
KHamoshiyon ki rah pe ho kar ke gamzan
rakhna kabhi na soch ka rishta malal se
ummid aisi un se matanat ki thi nahin
bachche bigaD gae hain bahut dekh bhaal se
dam-KHam to kuchh nahin tha haqiqat ke nam par
ghabra gaya jahan hamari majal se
kuchh maslahat ke nam pe chup chap hum rahe
waqif the warna waqt ke poshida haal se
chadar pe aasman ki bikhri thi chandni
aarasta zamin thi is ke jamal se
tum shahr ja rahe ho to jao magar wahan
arman milenge dekhna behad niDhaal se
afsurda fikr thi jo qadamat ke KHol mein
shadab ho gai hai wo raushan KHayal se
ek patte ki bisat tumhaari hai 'sahni'
miTTi mein ja miloge juda ho ke Dal se
- Book : Shayad (Pg. 34)
- Author : Jafar Sahni
- Publication : Yawar Hussain (2012)
- Edition : 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
