bala ka zikr kya ye mauj bhi ghanimat hai
balā kā zikr kyā ye mauj bhī ġhanīmat hai
tamāshā dekh rahe haiñ yahī ġhanīmat hai
kisī ke maal se koī ġharaz nahīñ ham ko
hamārī jeb meñ jo hai vahī ġhanīmat hai
khulī huī haiñ jo rāheñ to ye samajh lo tum
ki apne shahr kā mausam abhī ġhanīmat hai
hameñ hai faḳhr ki nisbat ke pāsdār haiñ ham
hamāre vāste har shai baḌī ġhanīmat hai
ḳhud apne-āp ko patthar batā rahe haiñ sab
nazākatoñ se haiñ vāqif sabhī ġhanīmat hai
musālahat kī tamannā huī hai to 'rāhat'
har ek shart hī ab lag rahī ġhanīmat hai
bala ka zikr kya ye mauj bhi ghanimat hai
tamasha dekh rahe hain yahi ghanimat hai
kisi ke mal se koi gharaz nahin hum ko
hamari jeb mein jo hai wahi ghanimat hai
khuli hui hain jo rahen to ye samajh lo tum
ki apne shahr ka mausam abhi ghanimat hai
hamein hai faKHr ki nisbat ke pasdar hain hum
hamare waste har shai baDi ghanimat hai
KHud apne-ap ko patthar bata rahe hain sab
nazakaton se hain waqif sabhi ghanimat hai
musalahat ki tamanna hui hai to 'rahat'
har ek shart hi ab lag rahi ghanimat hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
