bala ki dhup thi main jal raha tha

balā kī dhuup thī maiñ jal rahā thā

badan us kā thā aur saaya mirā thā

ḳharābe meñ thā ik aisā ḳharāba

jahāñ maiñ sab se chhup ke baiThtā thā

bahut nazdīk the tasvīr meñ ham

magar vo fāsla jo dikh rahā thā

jahāzī qāfila Duubā thā pahle

samundar ba.ad meñ uupar uThā thā

zamīn-o-āsmāñ sākit paḌe the

mire kamre kā pañkhā chal rahā thā

use bhī ishq kī aadat nahīñ thī

mirā bhī pahlā pahlā tajraba thā

mujhe jab tak talāshā raushnī ne

maiñ puurā tīrgī kā ho chukā thā

bala ki dhup thi main jal raha tha

badan us ka tha aur saya mera tha

KHarabe mein tha ek aisa KHaraba

jahan main sab se chhup ke baiThta tha

bahut nazdik the taswir mein hum

magar wo fasla jo dikh raha tha

jahazi qafila Duba tha pahle

samundar baad mein upar uTha tha

zamin-o-asman sakit paDe the

mere kamre ka pankha chal raha tha

use bhi ishq ki aadat nahin thi

mera bhi pahla pahla tajraba tha

mujhe jab tak talasha raushni ne

main pura tirgi ka ho chuka tha