ban gai naz mohabbat talab-e-naz ke baad

ban ga.ī naaz mohabbat talab-e-nāz ke ba.ad

aur bhī aise ka.ī raaz haiñ is raaz ke ba.ad

qadr kyā soz-e-tajallī kī sahar saaz ke ba.ad

Thahar saktī nahīñ shabnam mirī parvāz ke ba.ad

apnī manzil to banā lete haiñ duniyā vaale

maiñ kahāñ jā.ūñ tirī jalva-gah-e-nāz ke ba.ad

maiñ hī duniyā kī sadā ban ke nahīñ huuñ ḳhāmosh

ḳhud bhī chup ho ga.ī duniyā mirī āvāz ke ba.ad

log āġhāz se karte haiñ talāsh-e-anjām

maiñ ne anjām na sochā kabhī āġhāz ke ba.ad

maiñ gunahgār-e-nasheman huuñ na pāband-e-qafas

fitratan kuchh to sukūñ chāhiye parvāz ke ba.ad

is mohabbat meñ hai tauhīn-e-mohabbat 'anjum'

vo agar mujh ko pukāreñ mirī āvāz ke ba.ad

ban gai naz mohabbat talab-e-naz ke baad

aur bhi aise kai raaz hain is raaz ke baad

qadr kya soz-e-tajalli ki sahar saz ke baad

Thahar sakti nahin shabnam meri parwaz ke baad

apni manzil to bana lete hain duniya wale

main kahan jaun teri jalwa-gah-e-naz ke baad

main hi duniya ki sada ban ke nahin hun KHamosh

KHud bhi chup ho gai duniya meri aawaz ke baad

log aaghaz se karte hain talash-e-anjam

main ne anjam na socha kabhi aaghaz ke baad

main gunahgar-e-nasheman hun na paband-e-qafas

fitratan kuchh to sukun chahiye parwaz ke baad

is mohabbat mein hai tauhin-e-mohabbat 'anjum'

wo agar mujh ko pukaren meri aawaz ke baad