ban ke ek misra-e-namnak nazar tak pahuncha

ban ke ik misra-e-namnāk nazar tak pahuñchā

maujzan ishq mirā arsh-o-qamar tak pahuñchā

kis tarah bhūlūñ batā ḳhauf se jarjar āñkheñ

dekhte dekhte paanī mire sar tak pahuñchā

ishtihāroñ meñ hī gum ho ga.ī kul āvāzeñ

sab ne bas dekhā sunā kaun ḳhabar tak pahuñchā

hukmarānoñ ko faqat vote se matlab varna

kis ne muflis kī sunī kaun idhar tak pahuñchā

tum se kahte na bane ham ko pata hai vo shai

jazba-e-ishq thā hoñToñ se jigar tak pahuñchā

us ke jazboñ kī badaulat hī to ginnā sīkhe

vo ḳhalāoñ se laḌā shunya bashar tak pahuñchā

dil kā sab haal bayāñ kar ga.iiñ muḳhbir āñkheñ

rog paalā thā kabhī aaj asar tak pahuñchā

aap par khul na sakā apnī tabī.at kā rumūz

aur vo shaḳhs to imkān-e-bashar tak pahuñchā

ban ke ek misra-e-namnak nazar tak pahuncha

maujzan ishq mera arsh-o-qamar tak pahuncha

kis tarah bhulun bata KHauf se jarjar aankhen

dekhte dekhte pani mere sar tak pahuncha

ishtihaaron mein hi gum ho gai kul aawazen

sab ne bas dekha suna kaun KHabar tak pahuncha

hukmaranon ko faqat wote se matlab warna

kis ne muflis ki suni kaun idhar tak pahuncha

tum se kahte na bane hum ko pata hai wo shai

jazba-e-ishq tha honTon se jigar tak pahuncha

us ke jazbon ki badaulat hi to ginna sikhe

wo KHalaon se laDa shunya bashar tak pahuncha

dil ka sab haal bayan kar gain muKHbir aankhen

rog pala tha kabhi aaj asar tak pahuncha

aap par khul na saka apni tabiat ka rumuz

aur wo shaKHs to imkan-e-bashar tak pahuncha