bana bana ke aks KHadd-o-Khaal rakh diye gae

banā banā ke aks ḳhadd-o-ḳhāl rakh diye ga.e

ki aa.ine haTā diye ḳhayāl rakh diye ga.e

jo baat qatl kī ga.ī vahī to ek baat thī

suḳhan-sarā-e-vaqt meñ malāl rakh diye ga.e

koī na ḳhud ko pā sake ye aur baat hai magar

kamī kajī ke rañg meñ kamāl rakh diye ga.e

kabhī jo ek shahr thā qafas banā diyā gayā

jahāñ bhī rakkhe jā sake the jaal rakh diye ga.e

daraḳht kaaT kaaT kar kushādgī to kī ga.ī

saroñ pe jaltī dhuup ke vabāl rakh diye ga.e

kabhī jo haq diyā gayā to is tarah diyā gayā

ki faisle ke darmiyān saal rakh diye ga.e

diloñ ko chhū ga.ī thī jo vo tāzgī nahīñ rahī

bhale se ab suḳhan meñ sau kamāl rakh diye ga.e

mohabbatoñ meñ chāhiye thī puḳhtagī so is liye

firāq rakh diye ga.e visāl rakh diye ga.e

vo shahr be-misāl thā vo shahr lā-zavāl thā

phir us kī iiñT iiñT meñ zavāl rakh diye ga.e

bana bana ke aks KHadd-o-KHal rakh diye gae

ki aaine haTa diye KHayal rakh diye gae

jo baat qatl ki gai wahi to ek baat thi

suKHan-sara-e-waqt mein malal rakh diye gae

koi na KHud ko pa sake ye aur baat hai magar

kami kaji ke rang mein kamal rakh diye gae

kabhi jo ek shahr tha qafas bana diya gaya

jahan bhi rakkhe ja sake the jal rakh diye gae

daraKHt kaT kaT kar kushadgi to ki gai

saron pe jalti dhup ke wabaal rakh diye gae

kabhi jo haq diya gaya to is tarah diya gaya

ki faisle ke darmiyan sal rakh diye gae

dilon ko chhu gai thi jo wo tazgi nahin rahi

bhale se ab suKHan mein sau kamal rakh diye gae

mohabbaton mein chahiye thi puKHtagi so is liye

firaq rakh diye gae visal rakh diye gae

wo shahr be-misal tha wo shahr la-zawal tha

phir us ki inT inT mein zawal rakh diye gae