band darichon ke kamre se purwa yun Takrai hai

band darīchoñ ke kamre se purvā yuuñ Takrā.ī hai

jaise dil ke āñgan meñ dukhiyā ne taan lagā.ī hai

peḌoñ kī ḳhāmoshī se bhī dil merā ghabrātā hai

sahrā kī vīrānī dekh ke aañkh mirī bhar aa.ī hai

dil ke sahrā meñ yādoñ ke jhakkaḌ aaise chalte haiñ

jaise nain jharokā bhī us prītam kī añgnā.ī hai

apne dil meñ yādoñ ne zaḳhmoñ ke phuul khilā.e haiñ

jism kī is dīvār ke andar kis ne naqab lagā.ī hai

pattā pattā shāḳh se TuuTe darvāzoñ pe vahshat sī

yaaro prem kathā meñ kis ne dard kī taan milā.ī hai

dariyā dariyā naav bahe to gorī giit protī jaa.e

un gītoñ kī taan amar hai jin kā rañg judā.ī hai

panchhī kī chahkār hamesha jañgal ko garmāti hai

ḳhalq-e-ḳhudā ne apne dil meñ bas yahī yaad basā.ī hai

qadam qadam dukh dard ke saa.e shahr hue vīrāne bhī

kis ne des ke phūloñ par ab hijr kī raakh uḌaa.ī hai

band darichon ke kamre se purwa yun Takrai hai

jaise dil ke aangan mein dukhiya ne tan lagai hai

peDon ki KHamoshi se bhi dil mera ghabraata hai

sahra ki virani dekh ke aankh meri bhar aai hai

dil ke sahra mein yaadon ke jhakkaD aaise chalte hain

jaise nain jharoka bhi us pritam ki angnai hai

apne dil mein yaadon ne zaKHmon ke phul khilae hain

jism ki is diwar ke andar kis ne naqab lagai hai

patta patta shaKH se TuTe darwazon pe wahshat si

yaro prem katha mein kis ne dard ki tan milai hai

dariya dariya naw bahe to gori git proti jae

un giton ki tan amar hai jin ka rang judai hai

panchhi ki chahkar hamesha jangal ko garmati hai

KHalq-e-KHuda ne apne dil mein bas yahi yaad basai hai

qadam qadam dukh dard ke sae shahr hue virane bhi

kis ne des ke phulon par ab hijr ki rakh uDai hai