band muTThi se nikal jate ho had karte ho

band muTThī se nikal jaate ho had karte ho

sapne bhar baat hī manvāte ho had karte ho

jism kī aisī mahak jo mujhe pāgal kar de

ban ke ḳhushbū mujhe mahkāte ho had karte ho

kyā kahūñ kaun sā jaadū hai tire hāthoñ meñ

mire bāloñ ko jo sahlāte ho had karte ho

jān-e-man ek ghaḌī dekh ki dil dukhtā hai

chhoḌ kar jab mujhe ghar jaate ho had karte ho

ab talak puurā koī bhī nahīñ kar paa.e tum

ḳhvāb phir bhī hameñ dikhlāte ho had karte ho

apne haq ke liye āvāz uThā.ūñ jis dam

mujh ko dīvār meñ chunvāte ho had karte ho

umr bhar kaun javāñ rahtā hai jān-e-'farruḳh'

phir bhī tum husn pe itrāte ho had karte ho

band muTThi se nikal jate ho had karte ho

sapne bhar baat hi manwate ho had karte ho

jism ki aisi mahak jo mujhe pagal kar de

ban ke KHushbu mujhe mahkate ho had karte ho

kya kahun kaun sa jadu hai tere hathon mein

mere baalon ko jo sahlate ho had karte ho

jaan-e-man ek ghaDi dekh ki dil dukhta hai

chhoD kar jab mujhe ghar jate ho had karte ho

ab talak pura koi bhi nahin kar pae tum

KHwab phir bhi hamein dikhlate ho had karte ho

apne haq ke liye aawaz uThaun jis dam

mujh ko diwar mein chunwate ho had karte ho

umr bhar kaun jawan rahta hai jaan-e-'farruKH'

phir bhi tum husn pe itraate ho had karte ho