banda-nawaz humse KHushamad na ho saki

banda-navāz ham se ḳhushāmad na ho sakī

jo ho sazā-e-jurm-e-baġhāvat sunā.iye

husn-e-sulūk kā koī in.aam to mile

ehsāñ agar kiye haiñ to patthar bhī khā.iye

āsān manzileñ hoñ to jaarī rahe safar

hoñ rāste kaThin to mire saath aa.iye

har kizb kā javāb bahattar sadāqateñ

sau hurmalā hoñ alī asġhar kā lā.iye

'āshūr' sarbuland jo rahnā hai dahr meñ

ik zaat ke sivā na kahīñ sar jhukā.iye

banda-nawaz hum se KHushamad na ho saki

jo ho saza-e-jurm-e-baghawat sunaiye

husn-e-suluk ka koi inam to mile

ehsan agar kiye hain to patthar bhi khaiye

aasan manzilen hon to jari rahe safar

hon raste kaThin to mere sath aaiye

har kizb ka jawab bahattar sadaqaten

sau hurmala hon ali asghar ka laiye

'ashur' sarbuland jo rahna hai dahr mein

ek zat ke siwa na kahin sar jhukaiye