banda-parwar jo na pachhtaiyega

banda-parvar jo na pachhtā.iyegā

banda-ḳhāna pe kabhī ā.iyegā

yaad kījegā mohabbat aglī

ġhair ke milne se sharmā.iyegā

bosa dījegā gale lag lag kar

zyāda aur mujh ko na bakvā.iyegā

mere ġhammāz ko apne dar se

dhakke yakbār to divā.iyegā

husn ke sadqe mirī ḳhātir se

kadar-e-dil zarā dhulvā.iyegā

sitam-o-jaur-o-jafā kā sheva

chhoḌ dījegā na bal khā.iyegā

tāqat-o-sabr tahammul merā

le ke kuchh aur hī farmā.iyegā

zindagī hijr meñ honā ma.alūm

jī meñ aatā hai ki mar jā.iyegā

zulf meñ dil ko phañsā kar mere

aap shāne se na suljhā.iyegā

said matlūb ho to banda kā sar

apne fitrāk se laTkā.iyegā

arz 'afrīdī' kī kiije manzūr

aap tashrīf idhar lā.iyegā

gar na mānoge mirī baat suno

phir na mere ta.iiñ samjhā.iyegā

yaañ pe mauqūf hai kyā 'afrīdī'

muñh na phir hashr ko dikhlā.iyegā

banda-parwar jo na pachhtaiyega

banda-KHana pe kabhi aaiyega

yaad kijega mohabbat agli

ghair ke milne se sharmaiyega

bosa dijega gale lag lag kar

zyaada aur mujh ko na bakwaiyega

mere ghammaz ko apne dar se

dhakke yakbar to diwaiyega

husn ke sadqe meri KHatir se

kadar-e-dil zara dhulwaiyega

sitam-o-jaur-o-jafa ka shewa

chhoD dijega na bal khaiyega

taqat-o-sabr tahammul mera

le ke kuchh aur hi farmaiyega

zindagi hijr mein hona malum

ji mein aata hai ki mar jaiyega

zulf mein dil ko phansa kar mere

aap shane se na suljhaiyega

said matlub ho to banda ka sar

apne fitrak se laTkaiyega

arz 'afridi' ki kije manzur

aap tashrif idhar laiyega

gar na manoge meri baat suno

phir na mere tain samjhaiyega

yan pe mauquf hai kya 'afridi'

munh na phir hashr ko dikhlaiyega