bane-banae hue raston pe ja nikle

bane-banā.e hue rāstoñ pe jā nikle

ye ham-safar mire kitne gurez-pā nikle

chale the aur kisī rāste kī dhun meñ magar

ham ittifāq se terī galī meñ aa nikle

ġham-e-firāq meñ kuchh der ro hī lene do

buḳhār kuchh to dil-e-be-qarār kā nikle

nasīhateñ hameñ karte haiñ tark-e-ulfat kī

ye ḳhair-ḳhvāh hamāre kidhar se aa nikle

ye ḳhāmushī to rag-o-pai meñ rach ga.ī 'nāsir'

vo naala kar ki dil-e-sañg se sadā nikle

bane-banae hue raston pe ja nikle

ye ham-safar mere kitne gurez-pa nikle

chale the aur kisi raste ki dhun mein magar

hum ittifaq se teri gali mein aa nikle

gham-e-firaq mein kuchh der ro hi lene do

buKHar kuchh to dil-e-be-qarar ka nikle

nasihaten hamein karte hain tark-e-ulfat ki

ye KHair-KHwah hamare kidhar se aa nikle

ye KHamushi to rag-o-pai mein rach gai 'nasir'

wo nala kar ki dil-e-sang se sada nikle