bani thi kuchh ek us se muddat ke baad
banī thī kuchh ik us se muddat ke baad
so phir bigḌī pahlī hī sohbat ke baad
judā.ī ke hālāt maiñ kyā kahūñ
qayāmat thī ek ek saa.at ke baad
muā kohkan be-sutūñ khod kar
ye rāhat huī aisī mehnat ke baad
lagā aag paanī ko dauḌe hai tū
ye garmī tirī is sharārat ke baad
kahe ko hamāre kab un ne sunā
koī baat maanī so minnat ke baad
suḳhan kī na taklīf ham se karo
lahū Tapke hai ab shikāyat ke baad
nazar 'mīr' ne kaisī hasrat se kī
bahut ro.e ham us kī ruḳhsat ke baad
bani thi kuchh ek us se muddat ke baad
so phir bigDi pahli hi sohbat ke baad
judai ke haalat main kya kahun
qayamat thi ek ek saat ke baad
mua kohkan be-sutun khod kar
ye rahat hui aisi mehnat ke baad
laga aag pani ko dauDe hai tu
ye garmi teri is shararat ke baad
kahe ko hamare kab un ne suna
koi baat mani so minnat ke baad
suKHan ki na taklif hum se karo
lahu Tapke hai ab shikayat ke baad
nazar 'mir' ne kaisi hasrat se ki
bahut roe hum us ki ruKHsat ke baad
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
