baqa ke sath ana ka sawal aata hai

baqā ke saath anā kā savāl aatā hai

kisī uruuj pe jab bhī zavāl aatā hai

jo TūTtā hai kabhī shāḳh se koī pattā

kisī ke ahd-e-vafā kā ḳhayāl aatā hai

sipah-garī to buzurgoñ ke saath dafn huī

hameñ to aaj fan-e-qīl-o-qāl aatā hai

jo muñh chiḌhāte haiñ āsār ahd-e-māzī ke

hamāre ḳhuun meñ aksar ubaal aatā hai

na jaane kyoñ vahī aulād se pareshāñ haiñ

gharoñ meñ jin ke harām-o-halāl aatā hai

mire ḳhayāl meñ aa kar chaTaḳh gayā vo badan

sunā thā maiñ ne ki shīshe meñ baal aatā hai

use pata hai ki dariyā kā zarf kitnā hai

vo saarī nekiyāñ sāhil pe Daal aatā hai

baqa ke sath ana ka sawal aata hai

kisi uruj pe jab bhi zawal aata hai

jo TuTta hai kabhi shaKH se koi patta

kisi ke ahd-e-wafa ka KHayal aata hai

sipah-gari to buzurgon ke sath dafn hui

hamein to aaj fan-e-qil-o-qal aata hai

jo munh chiDhate hain aasar ahd-e-mazi ke

hamare KHun mein aksar ubaal aata hai

na jaane kyon wahi aulad se pareshan hain

gharon mein jin ke haram-o-halal aata hai

mere KHayal mein aa kar chaTaKH gaya wo badan

suna tha main ne ki shishe mein baal aata hai

use pata hai ki dariya ka zarf kitna hai

wo sari nekiyan sahil pe Dal aata hai