bar-haq nahin hun paikar-e-baatil nahin hun main

bar-haq nahīñ huuñ paikar-e-bātil nahīñ huuñ maiñ

jo kuchh huuñ nā-tamām huuñ kāmil nahīñ huuñ maiñ

dā've agar karūñ to karūñ kis zabān se

kyā maqsad-e-hayāt se ġhāfil nahīñ huuñ maiñ

jab bhī kitāb uThā.ī larazne lagī sadā

goyā ki is kalām ke qābil nahīñ huuñ maiñ

dil kah rahā hai kam jo mirī raushnī kare

aise kisī malāl kā hāmil nahīñ huuñ maiñ

ab aisā ishti'āl de āh-o-bukā karūñ

huuñ mubtalā-e-zo'm ki jāhil nahīñ huuñ maiñ

ham ek se nahīñ haiñ mohabbat ke baab meñ

maanā ki be-niyāz huuñ be-dil nahīñ huuñ maiñ

aisī adā hai zeb faqat lā-sharīk ko

terā karam hai 'aam to saa.il nahīñ huuñ maiñ

bar-haq nahin hun paikar-e-baatil nahin hun main

jo kuchh hun na-tamam hun kaamil nahin hun main

da'we agar karun to karun kis zaban se

kya maqsad-e-hayat se ghafil nahin hun main

jab bhi kitab uThai larazne lagi sada

goya ki is kalam ke qabil nahin hun main

dil kah raha hai kam jo meri raushni kare

aise kisi malal ka hamil nahin hun main

ab aisa ishti'al de aah-o-buka karun

hun mubtala-e-zo'm ki jahil nahin hun main

hum ek se nahin hain mohabbat ke bab mein

mana ki be-niyaz hun be-dil nahin hun main

aisi ada hai zeb faqat la-sharik ko

tera karam hai 'am to sail nahin hun main