barae-nam koi rabta hua to sahi

barā.e-nām koī rābta huā to sahī

ki ek shaḳhs mire haal par hañsā to sahī

zarā sī der ko sadiyoñ kī ḳhāmushī to ga.ī

navāh-e-jāñ se koī shor sā uThā to sahī

dil-e-shikasta ko mauhūm sī umiid to thī

mujhe nasīb nahīñ thā magar vo thā to sahī

kabhī tamām to kar bad-gumāniyoñ kā safar

kisī bahāne kisī roz aazmā to sahī

ye kyā ki harf-o-sadā kā tabādala bhī nahīñ

kahāñ hai kaisā hai ai dost kuchh batā to sahī

har ek dil ko mohabbat pasand honā hai

'aqīl' ab na sahī maiñ nahīñ rahā to sahī

barae-nam koi rabta hua to sahi

ki ek shaKHs mere haal par hansa to sahi

zara si der ko sadiyon ki KHamushi to gai

nawah-e-jaan se koi shor sa uTha to sahi

dil-e-shikasta ko mauhum si umid to thi

mujhe nasib nahin tha magar wo tha to sahi

kabhi tamam to kar bad-gumaniyon ka safar

kisi bahane kisi roz aazma to sahi

ye kya ki harf-o-sada ka tabaadala bhi nahin

kahan hai kaisa hai ai dost kuchh bata to sahi

har ek dil ko mohabbat pasand hona hai

'aqil' ab na sahi main nahin raha to sahi