barsar-e-rozgar the pahle

barsar-e-rozgār the pahle

ham bhī yāroñ ke yaar the pahle

aaj ye ziist ham pe baar sahī

ziist par ham bhī baar the pahle

aaj ham vaqt ko pukārte haiñ

vaqt kī ham pukār the pahle

aao ab un kī chhāñv bhī DhūñDeñ

jo shajar sāya-dār the pahle

go ki ḳhushiyāñ haiñ be-shumār magar

ġham bahut ḳhush-gavār the pahle

barsar-e-rozgar the pahle

hum bhi yaron ke yar the pahle

aaj ye zist hum pe bar sahi

zist par hum bhi bar the pahle

aaj hum waqt ko pukarte hain

waqt ki hum pukar the pahle

aao ab un ki chhanw bhi DhunDen

jo shajar saya-dar the pahle

go ki KHushiyan hain be-shumar magar

gham bahut KHush-gawar the pahle