bas ab tark-e-talluq ke bahut pahlu nikalte hain

Anwar Masood

bas ab tark-e-talluq ke bahut pahlu nikalte hain

Anwar Masood

MORE BY Anwar Masood

    bas ab tark-e-ta.alluq ke bahut pahlū nikalte haiñ

    so ab ye tai huā hai shahr se sādhū nikalte haiñ

    ham aa nikle ajab se ek sahrā-e-mohabbat meñ

    shikārī ke ta.āqub meñ yahāñ aahū nikalte haiñ

    ye ik manzar bahut hai umr bhar hairān rahne ko

    ki miTTī ke masāmoñ se bhī rañg-o-bū nikalte haiñ

    zamīr-e-sañg tujh ko terā paikar-sāz aa pahuñchā

    abhī āñkheñ ubhartī haiñ abhī aañsū nikalte haiñ

    koī nādir ḳhazīna hai mire dast-e-tasarruf meñ

    jhapaTne ko dar-o-dīvār se baazū nikalte haiñ

    maiñ apne dushmanoñ kis qadar mamnūn huuñ 'anvar'

    ki un ke shar se kyā kyā ḳhair ke pahlū nikalte haiñ

    bas ab tark-e-talluq ke bahut pahlu nikalte hain

    so ab ye tai hua hai shahr se sadhu nikalte hain

    hum aa nikle ajab se ek sahra-e-mohabbat mein

    shikari ke taaqub mein yahan aahu nikalte hain

    ye ek manzar bahut hai umr bhar hairan rahne ko

    ki miTTi ke masamon se bhi rang-o-bu nikalte hain

    zamir-e-sang tujh ko tera paikar-saz aa pahuncha

    abhi aankhen ubharti hain abhi aansu nikalte hain

    koi nadir KHazina hai mere dast-e-tasarruf mein

    jhapaTne ko dar-o-diwar se bazu nikalte hain

    main apne dushmanon ka kis qadar mamnun hun 'anwar'

    ki un ke shar se kya kya KHair ke pahlu nikalte hain

    Source:

    • Book: ik daraicha ik chirag (Pg. 63)
    • Author: ANWAR MASOOD
    • Publication: Dost Publications (2008)
    • Edition: 2008
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites