bas ek baat ki usko KHabar zaruri hai
bas ek baat kī us ko ḳhabar zarūrī hai
ki vo hamāre liye kis qadar zarūrī hai
diloñ meñ dard kī daulat bachā bachā ke rakho
ye vo matā.a hai jo umr bhar zarūrī hai
nahīñ zarūr ki maqdūr ho to saath rakheñ
kabhī-kabhār magar nauhagar zarūrī hai
kabhī to khel parinde bhī haar jaate haiñ
havā kahīñ kī bhī ho mustaqar zarūrī hai
ye kyā zarūr ki mast apne aap hī meñ raheñ
idhar udhar kī bhī kuchh kuchh ḳhabar zarūrī hai
mafar nahīñ ġham-e-duniyā se 'āftāb-husain'
bahut kaThin hai ye manzil magar zarūrī hai
bas ek baat ki us ko KHabar zaruri hai
ki wo hamare liye kis qadar zaruri hai
dilon mein dard ki daulat bacha bacha ke rakho
ye wo mataa hai jo umr bhar zaruri hai
nahin zarur ki maqdur ho to sath rakhen
kabhi-kabhaar magar nauhagar zaruri hai
kabhi to khel parinde bhi haar jate hain
hawa kahin ki bhi ho mustaqar zaruri hai
ye kya zarur ki mast apne aap hi mein rahen
idhar udhar ki bhi kuchh kuchh KHabar zaruri hai
mafar nahin gham-e-duniya se 'aftab-husain'
bahut kaThin hai ye manzil magar zaruri hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
