bas ek tere KHwab se inkar nahin hai

bas ek tire ḳhvāb se inkār nahīñ hai

dil varna kisī shai kā talabgār nahīñ hai

āñkhoñ meñ hasīñ ḳhvāb to haiñ aaj bhī lekin

ta.abīr se ab koī sarokār nahīñ hai

dariyā se abhī tak hai vahī rabt hamārā

kashtī meñ hamārī koī patvār nahīñ hai

hairat se na.e shahr ko maiñ dekh rahā huuñ

dīvār to hai sāya-e-dīvār nahīñ hai

is bazm kī raunaq to zarā ġhaur se dekho

lagtā hai yahāñ koī dil-āzār nahīñ hai

aa.e ho numā.ish meñ zarā dhyān bhī rakhnā

har shai jo chamaktī hai chamakdār nahīñ hai

kyuuñ itnā hameñ apnī mohabbat pe yaqīñ hai

duniyā to mohabbat kī parastār nahīñ hai

bas ek tere KHwab se inkar nahin hai

dil warna kisi shai ka talabgar nahin hai

aankhon mein hasin KHwab to hain aaj bhi lekin

tabir se ab koi sarokar nahin hai

dariya se abhi tak hai wahi rabt hamara

kashti mein hamari koi patwar nahin hai

hairat se nae shahr ko main dekh raha hun

diwar to hai saya-e-diwar nahin hai

is bazm ki raunaq to zara ghaur se dekho

lagta hai yahan koi dil-azar nahin hai

aae ho numaish mein zara dhyan bhi rakhna

har shai jo chamakti hai chamakdar nahin hai

kyun itna hamein apni mohabbat pe yaqin hai

duniya to mohabbat ki parastar nahin hai