bas ranj ki hai dastan unwan hazaron

bas rañj kī hai dāstāñ unvān hazāroñ

jiine ke liye mar ga.e insān hazāroñ

vo jis ne mirī ruuh ko dard-āshnā rakkhā

haiñ mujh pe usī zaḳhm ke ehsān hazāroñ

jis ḳhaak se kahte ho vafā ham nahīñ karte

so.e haiñ usī ḳhaak meñ sultān hazāroñ

ik rasm-e-takabbur hai so is daur ke insāñ

jeboñ meñ liye phirte haiñ pahchān hazāroñ

lāzim hai masāfat meñ bhaTak jaanā hamārā

ham tanhā musāfir ke haiñ sāmān hazāroñ

ab hai faqat andesha-e-hālāt mayassar

ham dil meñ kabhī rakhte the armān hazāroñ

ye shahr-e-suḳhan hai yahāñ har moḌ pe 'az.har'

hoshiyār bane baiThe haiñ nādān hazāroñ

bas ranj ki hai dastan unwan hazaron

jine ke liye mar gae insan hazaron

wo jis ne meri ruh ko dard-ashna rakkha

hain mujh pe usi zaKHm ke ehsan hazaron

jis KHak se kahte ho wafa hum nahin karte

soe hain usi KHak mein sultan hazaron

ek rasm-e-takabbur hai so is daur ke insan

jebon mein liye phirte hain pahchan hazaron

lazim hai masafat mein bhaTak jaana hamara

hum tanha musafir ke hain saman hazaron

ab hai faqat andesha-e-haalat mayassar

hum dil mein kabhi rakhte the arman hazaron

ye shahr-e-suKHan hai yahan har moD pe 'azhar'

hoshiyar bane baiThe hain nadan hazaron