basaen kitni bhi hum bastiyan KHalaon mein

basā.eñ kitnī bhī ham bastiyāñ ḳhalāoñ meñ

uThe haiñ ḳhaak se rahnā to hai sarāboñ meñ

hameñ na bor karo sāhab-e-adā kah kar

rahe haiñ ham to hamesha hī kaj-adāoñ meñ

na dhuup mujh ko gavāra na chāñd kī ḳhushbū

mirā vajūd bikhartā na yuuñ havāoñ meñ

dikhā.ī mujh ko diyā thā vo chāñd sā chehra

sitāra āñkheñ magar kho ga.iiñ kitāboñ meñ

vo laḳht-laḳht to utrā thā ḳhuun meñ 'īraj'

maiñ us kī khoj meñ huuñ apne ham-navāoñ meñ

basaen kitni bhi hum bastiyan KHalaon mein

uThe hain KHak se rahna to hai sarabon mein

hamein na bor karo sahab-e-ada kah kar

rahe hain hum to hamesha hi kaj-adaon mein

na dhup mujh ko gawara na chand ki KHushbu

mera wajud bikharta na yun hawaon mein

dikhai mujh ko diya tha wo chand sa chehra

sitara aankhen magar kho gain kitabon mein

wo laKHt-laKHt to utra tha KHun mein 'iraj'

main us ki khoj mein hun apne ham-nawaon mein