basar hum ajab zindagi kar rahe hain

basar ham 'ajab zindagī kar rahe haiñ

kabhī jī rahe haiñ kabhī mar rahe haiñ

ye naale ye aa.heñ jo ham bhar rahe haiñ

unheñ rū-shanās-e-sitam kar rahe haiñ

ḳhudā kī qasam bas ham hī jānte haiñ

mohabbat kī duniyā meñ kyūñkar rahe haiñ

na hañs kar hī guzrī na ro kar hī ham se

'ajab haal meñ zindagī-bhar rahe haiñ

ta'ajjub na kar ġham na khā qalb-e-ġhamgīñ

hamesha yahī un ke tevar rahe haiñ

na barseñ bhalā kis liye ḳhuuñ ke aañsū

ki mamnūn-e-dil dīda-e-tar rahe haiñ

koī raaz phir aaj hai khulne vaalā

vo phir merī ulfat kā dam bhar rahe haiñ

jafā.eñ karo shauq se tum jafā kī

shikāyat hī ham tum se kab kar rahe haiñ

shab-o-roz ro ro ke 'bahzād' giryāñ

tabī'at ko mānūs-e-ġham kar rahe haiñ

basar hum 'ajab zindagi kar rahe hain

kabhi ji rahe hain kabhi mar rahe hain

ye nale ye aahen jo hum bhar rahe hain

unhen ru-shanas-e-sitam kar rahe hain

KHuda ki qasam bas hum hi jaante hain

mohabbat ki duniya mein kyunkar rahe hain

na hans kar hi guzri na ro kar hi hum se

'ajab haal mein zindagi-bhar rahe hain

ta'ajjub na kar gham na kha qalb-e-ghamgin

hamesha yahi un ke tewar rahe hain

na barsen bhala kis liye KHun ke aansu

ki mamnun-e-dil dida-e-tar rahe hain

koi raaz phir aaj hai khulne wala

wo phir meri ulfat ka dam bhar rahe hain

jafaen karo shauq se tum jafa ki

shikayat hi hum tum se kab kar rahe hain

shab-o-roz ro ro ke 'bahzad' giryan

tabi'at ko manus-e-gham kar rahe hain