bayan qissa-e-bechaargi kiya jae

bayān qissa-e-bechārgī kiyā jaa.e

jo dil kī rah ga.ī dil meñ use kahā jaa.e

ye zindagī hai to phir maut kis ko kahte haiñ

na royā jaa.e hai mujh se na hī hañsā jaa.e

tire ḳhayāl kī āsūdgī ma.āz-allāh

ye jab bhī aa.e hai ik umr kā galā jaa.e

faqīh-e-shahr bhī bikne lage sar-e-bāzār

ġharīb-e-shahr kahāñ jaa.e aur kyā jaa.e

bayan qissa-e-bechaargi kiya jae

jo dil ki rah gai dil mein use kaha jae

ye zindagi hai to phir maut kis ko kahte hain

na roya jae hai mujh se na hi hansa jae

tere KHayal ki aasudgi maaz-allah

ye jab bhi aae hai ek umr ka gala jae

faqih-e-shahr bhi bikne lage sar-e-bazar

gharib-e-shahr kahan jae aur kya jae