bazm-e-anjum mein numayan na hue

bazm-e-anjum meñ numāyāñ na hue

ḳhāk-posh aaj jo 'uryāñ na hue

dair meñ sāhab-e-īmāñ hue ham

aap kā'be meñ musalmāñ na hue

ḳhud-kushī thī vo koī qatl nahīñ

dekho ham ḳhūn-ba-dāmāñ na hue

kyā huā hogā un ashkoñ kā ki jo

intiḳhāb-e-sar-e-mizhgāñ na hue

kuchh sabab hai ki ġhazal hotī nahīñ

aap ke gesū pareshāñ na hue

ham bhī 'asrār' junūñ jānte haiñ

bas kabhī chāk-garebāñ na hue

bazm-e-anjum mein numayan na hue

KHak-posh aaj jo 'uryan na hue

dair mein sahab-e-iman hue hum

aap ka'be mein musalman na hue

KHud-kushi thi wo koi qatl nahin

dekho hum KHun-ba-daman na hue

kya hua hoga un ashkon ka ki jo

intiKHab-e-sar-e-mizhgan na hue

kuchh sabab hai ki ghazal hoti nahin

aap ke gesu pareshan na hue

hum bhi 'asrar' junun jaante hain

bas kabhi chaak-gareban na hue