bazm-e-ijad mein be-parda koi saz nahin

bazm-e-ījād meñ be-parda koī saaz nahīñ

hai ye terī hī sadā ġhair kī āvāz nahīñ

kah sake kaun vo kyā hai magar az-rū-e-yaqīñ

gul nahīñ sham.a nahīñ sarv-e-sar-afrāz nahīñ

dil ho be-laus to kyā vaj.h-e-tasallī ho daroġh

tā.ir-e-murda magar to.ama-e-shahbāz nahīñ

bulbuloñ kā thā jahāñ sehn-e-chaman meñ amboh

aaj chiḌiyā bhī vahāñ zamzama-pardāz nahīñ

bhaag vīrāna-e-duniyā se ki is manzil meñ

nuzl-e-mehmān ba-juz mā.ida-e-āz nahīñ

dilbarī jazb-e-mohabbat kā karishma hai faqat

kuchh karāmat nahīñ jaadū nahīñ e.ajāz nahīñ

dil kī tasḳhīr hai shīrīñ-suḳhanī par mauqūf

kuchh karāmat nahīñ jaadū nahīñ e.ajāz nahīñ

dast-e-qudrat ne mujhe aap banāyā hai to phir

kaun sā kaam hai merā ki ḳhudā-sāz nahīñ

bazm-e-ijad mein be-parda koi saz nahin

hai ye teri hi sada ghair ki aawaz nahin

kah sake kaun wo kya hai magar az-ru-e-yaqin

gul nahin shama nahin sarw-e-sar-afraaz nahin

dil ho be-laus to kya wajh-e-tasalli ho darogh

tair-e-murda magar toama-e-shahbaz nahin

bulbulon ka tha jahan sehn-e-chaman mein amboh

aaj chiDiya bhi wahan zamzama-pardaz nahin

bhag virana-e-duniya se ki is manzil mein

nuzl-e-mehman ba-juz maida-e-az nahin

dilbari jazb-e-mohabbat ka karishma hai faqat

kuchh karamat nahin jadu nahin eajaz nahin

dil ki tasKHir hai shirin-suKHani par mauquf

kuchh karamat nahin jadu nahin eajaz nahin

dast-e-qudrat ne mujhe aap banaya hai to phir

kaun sa kaam hai mera ki KHuda-saz nahin