be-kasi mein asar yagana hai

be-kasī meñ asar yagāna hai

dil bhī us kā nahīñ begāna hai

ġharaz ā.īna-dārī-e-dil se

terā jalva tujhe dikhānā hai

misl-e-naqsh-e-qadam meñ jab ta.iiñ huuñ

āñkheñ haiñ aur ye āstānā hai

yahī tār-e-nafas kī āmad-o-shud

jāma-e-tan kā tānā-bānā hai

gale milnā na go ki haath lage

lek manzūr dil milānā hai

naam anqā nishān tere kā

juuñ nagīñ dil meñ āshiyānā hai

dost dushman sabhī hue haiñ tere

kyā burā.ī kā ab zamānā hai

dil-e-gum-gashta ko maiñ DhūñDūñ kahāñ

na kahīñ Thor ne Thikānā hai

hai dīvāna ba-kār-e-ḳhud hoshyār

ye na samho 'asar' dīvānā hai

be-kasi mein asar yagana hai

dil bhi us ka nahin begana hai

gharaz aaina-dari-e-dil se

tera jalwa tujhe dikhana hai

misl-e-naqsh-e-qadam mein jab tain hun

aankhen hain aur ye aastana hai

yahi tar-e-nafas ki aamad-o-shud

jama-e-tan ka tana-bana hai

gale milna na go ki hath lage

lek manzur dil milana hai

nam anqa nishan tere ka

jun nagin dil mein aashiyana hai

dost dushman sabhi hue hain tere

kya burai ka ab zamana hai

dil-e-gum-gashta ko main DhunDun kahan

na kahin Thor ne Thikana hai

hai diwana ba-kar-e-KHud hoshyar

ye na samho 'asar' diwana hai