be-kasi se marne marne ka bharam rah jaega

be-kasī se marne marne kā bharam rah jā.egā

vo zarūr ā.eñge jab āñkhoñ meñ dam rah jā.egā

kyā ḳhushī meñ zindagī kā hosh kam rah jā.egā

ġham agar miT bhī gayā ehsās-e-ġham rah jā.egā

haa.e vo ik ālam-e-be-tābī-e-pinhāñ ki jab

fāsla manzil se apnā do-qadam rah jā.egā

chheḌ dī maiñ ne agar rūdād-e-husn-e-shash-jihat

nā-mukammal qissa-e-dair-o-haram rah jā.egā

be-kasi se marne marne ka bharam rah jaega

wo zarur aaenge jab aankhon mein dam rah jaega

kya KHushi mein zindagi ka hosh kam rah jaega

gham agar miT bhi gaya ehsas-e-gham rah jaega

hae wo ek aalam-e-be-tabi-e-pinhan ki jab

fasla manzil se apna do-qadam rah jaega

chheD di main ne agar rudad-e-husn-e-shash-jihat

na-mukammal qissa-e-dair-o-haram rah jaega