be-KHabar kaise ho rahe ho tum

be-ḳhabar kaise ho rahe ho tum

jāgte ho ki so rahe ho tum

kis liye mere nāḳhudā ban kar

merī kashtī Dubo rahe ho tum

merī qismat ko meT kar ḳhud hī

merī qismat pe ro rahe ho tum

mujh se merā hī tazkira kar ke

dil meñ kāñTe chubho rahe ho tum

ḳhuun kar ke mirī tamannā kā

daaġh dāman ke dho rahe ho tum

merī har baat kī nafī kar ke

apnī har baat kho rahe ho tum

mujh ko badnām kar ke duniyā meñ

ḳhud bhī badnām ho rahe ho tum

ai 'guhar' kyuuñ ḳhushī ke dāman meñ

mere ġham ko samo rahe ho tum

be-KHabar kaise ho rahe ho tum

jagte ho ki so rahe ho tum

kis liye mere naKHuda ban kar

meri kashti Dubo rahe ho tum

meri qismat ko meT kar KHud hi

meri qismat pe ro rahe ho tum

mujh se mera hi tazkira kar ke

dil mein kanTe chubho rahe ho tum

KHun kar ke meri tamanna ka

dagh daman ke dho rahe ho tum

meri har baat ki nafi kar ke

apni har baat kho rahe ho tum

mujh ko badnam kar ke duniya mein

KHud bhi badnam ho rahe ho tum

ai 'guhar' kyun KHushi ke daman mein

mere gham ko samo rahe ho tum