be-KHabar sa tha magar sab ki KHabar rakhta tha
be-ḳhabar sā thā magar sab kī ḳhabar rakhtā thā
chāhe jaane ke sabhī aib-o-hunar rakhtā thā
lā-ta.alluq nazar aatā thā ba-zāhir lekin
be-niyāzāna har ik dil meñ guzar rakhtā thā
us kī nafrat kā bhī meyār judā thā sab se
vo alag apnā ik andāz-e-nazar rakhtā thā
be-yaqīnī kī fazāoñ meñ bhī thā hausla-mand
shab-parastoñ se bhī ummīd-e-sahar rakhtā thā
mashvare karte haiñ jo ghar ko sajāne ke liye
un se kis tarah kahūñ maiñ bhī to ghar rakhtā thā
us ke har vaar ko sahtā rahā hañs kar 'mohsin'
ye ta.assur na diyā maiñ bhī sipar rakhtā thā
be-KHabar sa tha magar sab ki KHabar rakhta tha
chahe jaane ke sabhi aib-o-hunar rakhta tha
la-talluq nazar aata tha ba-zahir lekin
be-niyazana har ek dil mein guzar rakhta tha
us ki nafrat ka bhi meyar juda tha sab se
wo alag apna ek andaz-e-nazar rakhta tha
be-yaqini ki fazaon mein bhi tha hausla-mand
shab-paraston se bhi ummid-e-sahar rakhta tha
mashware karte hain jo ghar ko sajaane ke liye
un se kis tarah kahun main bhi to ghar rakhta tha
us ke har war ko sahta raha hans kar 'mohsin'
ye tassur na diya main bhi sipar rakhta tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
