be-mahal hai guftugu hain be-asar ashaar abhi

be-mahal hai guftugū haiñ be-asar ash.ār abhī

zindagī be-lutf hai nā-puḳhta haiñ afkār abhī

pūchhte rahte haiñ ġhairoñ se abhī tak merā haal

aap tak pahuñche nahīñ shāyad mire ash.ār abhī

zindagī guzrī abhī is aag ke girdāb meñ

dil se kyuuñ jaane lagī hirs-lab-o-ruḳhsār abhī

haañ ye sach hai sar-ba-sar kho.e ga.e haiñ aql-o-hosh

dil meñ dhaḌkan hai abhī dil to hai ḳhud-muḳhtār abhī

kyuuñ na kar luuñ aur abhī sair-e-bahār-e-lāla-zār

maiñ nahīñ mahsūs kartā huuñ nahīf-o-zār abhī

be-mahal hai guftugu hain be-asar ashaar abhi

zindagi be-lutf hai na-puKHta hain afkar abhi

puchhte rahte hain ghairon se abhi tak mera haal

aap tak pahunche nahin shayad mere ashaar abhi

zindagi guzri abhi is aag ke girdab mein

dil se kyun jaane lagi hirs-lab-o-ruKHsar abhi

han ye sach hai sar-ba-sar khoe gae hain aql-o-hosh

dil mein dhaDkan hai abhi dil to hai KHud-muKHtar abhi

kyun na kar lun aur abhi sair-e-bahaar-e-lala-zar

main nahin mahsus karta hun nahif-o-zar abhi