be-nam dayaron se hum log bhi ho aae

be-nām dayāroñ se ham log bhī ho aa.e

kuchh dard the chun laa.e kuchh ashk the ro aa.e

kuchh paas na thā apne bas aas liye ghūme

ik umr kī pūñjī thī so us ko bhī kho aa.e

tauhīn-e-anā bhī kī tahsīn-e-riyā bhī kī

ye bojh bhī Dhonā thā ye bojh bhī Dho aa.e

ik kār-e-numū barsoñ karte rahe bin soche

ham biij mohabbat ke sahrāoñ meñ bo aa.e

pahchān kā har manzar anjān huā āḳhir

lagtā hai ka.ī sadiyāñ ik ġhaar meñ so aa.e

be-nam dayaron se hum log bhi ho aae

kuchh dard the chun lae kuchh ashk the ro aae

kuchh pas na tha apne bas aas liye ghume

ek umr ki punji thi so us ko bhi kho aae

tauhin-e-ana bhi ki tahsin-e-riya bhi ki

ye bojh bhi Dhona tha ye bojh bhi Dho aae

ek kar-e-numu barson karte rahe bin soche

hum bij mohabbat ke sahraon mein bo aae

pahchan ka har manzar anjaan hua aaKHir

lagta hai kai sadiyan ek ghaar mein so aae