be-rawi o zulf-e-yar hai rone se kaam yan

be-ravī o zulf-e-yār hai rone se kaam yaañ

dāman hai muñh pe abr-e-namat sub.h-o-shām yaañ

āvāza hī jahāñ meñ hamārā sunā karo

anqā ke taur ziist hai apnī ba-nām yaañ

vasf-e-dahan se us ke na aage qalam chale

ya.anī kyā hai ḳhāme ne ḳhatm kalām yaañ

ġhālib ye hai ki mausam-e-ḳhat vaañ qarīb hai

aane lagā hai muttasil us kā payām yaañ

mat khā fareb-e-ijz azīzān-e-hāl kā

pinhāñ kiye haiñ ḳhaak meñ yāroñ ne daam yaañ

koī huā na dast-basar shahr-e-husn meñ

shāyad nahīñ hai rasm-e-javāb salām yaañ

nākām rahne hī kā tumheñ ġham hai aaj 'mīr'

bahutoñ ke kaam ho ga.e haiñ kul tamām yaañ

be-rawi o zulf-e-yar hai rone se kaam yan

daman hai munh pe abr-e-namat subh-o-sham yan

aawaza hi jahan mein hamara suna karo

anqa ke taur zist hai apni ba-nam yan

wasf-e-dahan se us ke na aage qalam chale

yani kya hai KHame ne KHatm kalam yan

ghaalib ye hai ki mausam-e-KHat wan qarib hai

aane laga hai muttasil us ka payam yan

mat kha fareb-e-ijz azizan-e-haal ka

pinhan kiye hain KHak mein yaron ne dam yan

koi hua na dast-basar shahr-e-husn mein

shayad nahin hai rasm-e-jawab salam yan

nakaam rahne hi ka tumhein gham hai aaj 'mir'

bahuton ke kaam ho gae hain kul tamam yan