be-sabaat subh sham aur mera wajud

be-sabāt sub.h shaam aur mirā vajūd

yahī azaab hai mudām aur mirā vajūd

koī chiiz kam hai mujh meñ bas yahī ḳhayāl

saarā jahān jaise ḳhaam aur mirā vajūd

us kā husn-e-be-amāñ aur mirā huzūr

ek teġh-e-be-niyām aur mirā vajūd

guftugū hī guftugū aur mirā sukūt

ek harf-e-be-kalām aur mirā vajūd

merī hayāt ā.īna-e-hijr-e-mustaqil

ik safar hai be-qayām aur mirā vajūd

maiñ abhī talak visāl-e-āb-o-gil ke biich

jaise marg-e-be-maqām aur mirā vajūd

sho.ala-e-shauq-e-nā-rasā aur ye qaid-e-jism

ik hisār-e-sub.h-o-shām aur mirā vajūd

be-sabaat subh sham aur mera wajud

yahi azab hai mudam aur mera wajud

koi chiz kam hai mujh mein bas yahi KHayal

sara jahan jaise KHam aur mera wajud

us ka husn-e-be-aman aur mera huzur

ek tegh-e-be-niyam aur mera wajud

guftugu hi guftugu aur mera sukut

ek harf-e-be-kalam aur mera wajud

meri hayat aaina-e-hijr-e-mustaqil

ek safar hai be-qayam aur mera wajud

main abhi talak visal-e-ab-o-gil ke bich

jaise marg-e-be-maqam aur mera wajud

shoala-e-shauq-e-na-rasa aur ye qaid-e-jism

ek hisar-e-subh-o-sham aur mera wajud