be-sabab ho ke be-qarar aaya

be-sabab ho ke be-qarār aayā

mere pīchhe mirā ġhubār aayā

chand yādoñ kā shor thā mujh meñ

maiñ use qabr meñ utaar aayā

us ko dekhā aur us ke baad mujhe

apnī hairat pe e'tibār aayā

bhuul baiThā hai rañg-e-gul mirā dil

partav-e-gul pe itnā pyaar aayā

ek duniyā ko chāhtā thā vo

ek duniyā meñ us pe vaar aayā

saañs letī thī koī hairānī

maiñ jise lafz meñ utaar aayā

kuchh na aayā hamāre kaase meñ

aur aayā to intizār aayā

kab mujhe us ne iḳhtiyār diyā

kab mujhe ḳhud pe iḳhtiyār aayā

bār-e-vahshat koī uThātā kyā

so digar baar dil pe baar aayā

be-sabab ho ke be-qarar aaya

mere pichhe mera ghubar aaya

chand yaadon ka shor tha mujh mein

main use qabr mein utar aaya

us ko dekha aur us ke baad mujhe

apni hairat pe e'tibar aaya

bhul baiTha hai rang-e-gul mera dil

partaw-e-gul pe itna pyar aaya

ek duniya ko chahta tha wo

ek duniya mein us pe war aaya

sans leti thi koi hairani

main jise lafz mein utar aaya

kuchh na aaya hamare kase mein

aur aaya to intizar aaya

kab mujhe us ne iKHtiyar diya

kab mujhe KHud pe iKHtiyar aaya

bar-e-wahshat koi uThata kya

so digar bar dil pe bar aaya